ശനിയാഴ്‌ച, ജൂൺ 30, 2012

CLUB ACTIVITIES

ENGLISH CLUB ACTIVITIES 

         The orientation for english club conveeners from various schools conducted on 26-6-2012 . 
Details 
Expected date for the functioning of english club in all schools - All mondays, between 1 pm - 2 pm (Minimum time half an hour )
Activities planned 
English assembly
English clinic 
Magazines
Notice board 
Day celebrations
English fest


Records to be maintained 
Report book 
Reading cards 
Self learning activity cards
Reading books
More details ...... please contact Smt . Bindu S S Trainer , 9633637059

എല്‍ എസ് എസ് / യു എസ് എസ് റിസള്‍ട്ട്

എല്‍ എസ് എസ് / യു എസ് എസ് പരീക്ഷയില്‍ വിജയം നേടിയ കൂട്ടുകാര്‍ക്ക് അഭിനന്ദനങ്ങള്‍ 

2011 -12 വര്‍ഷത്തെ എല്‍ എസ് എസ് / യു എസ് എസ് പരീക്ഷകളുടെ റിസള്‍ട്ട് പ്രസിദ്ധീകരിച്ചു . തിരുവനന്തപുരം ജില്ല വിദ്യാഭ്യാസ ഉപ ഡയറകറ്ററുടെ ഓഫീസുമായി ബന്ധപ്പെട്ട ബ്ലോഗില്‍ വിശദവിവരം ലഭ്യമാണ് .
ബ്ലോഗ്‌ ലിങ്ക്ക് www.ddetvm.blogspot.in ( ഇവിടെ ക്ലിക്ക്‌ ചെയ്യുക )
ബ്ലോഗിലെ ഹോം പേജില്‍ ഡൌണ്‍ലോഡ് ഓപ്ഷനില്‍ ആണ് ഈ വിവരങ്ങള്‍ നല്‍കിയിട്ടുള്ളത്‌ 
എല്‍ എസ് എസ് / യു എസ് എസ് സ്കോളര്‍ഷിപ്പ്‌ ലഭിച്ച മുഴുവന്‍ കൂട്ടുകാരെയും ബാലരാമപുരം ബി ആര്‍ സി യുടെ അഭിനന്ദനം അറിയിക്കുന്നു .
            ഇത്തരം കൂട്ടുകാരെ അഭിനന്ദിക്കുന്നതിനായി ബന്ധപ്പെട്ട വിദ്യാലയങ്ങള്‍ പ്രത്യേക ബാലസഭകള്‍ കൂടുകയും കൂട്ടുകാരുടെയും പി റ്റി എ യുടെയും അന്ഗീകാരവും പ്രോത്സാഹനവും നല്‍കുകയും വേണം 

വ്യാഴാഴ്‌ച, ജൂൺ 28, 2012

ക്ലബ്ബ്‌ പ്രവര്‍ത്തനങ്ങള്‍

ശാസ്ത്ര ക്ലബ്ബുകള്‍ക്കൊരു പ്രവര്‍ത്തനപദ്ധതി.....

            ബാലരാമപുരം ബി ആര്‍ സി യുടെ ആഭിമുഖ്യത്തില്‍ നടന്ന സയന്‍സ് സ്പോണ്‍സര്‍മാരുടെ ഏകദിന കൂടിച്ചേരലില്‍ ശാസ്ത്രക്ലബ്ബുകളുടെ വരും വര്‍ഷത്തെ പ്രവര്ത്തനപരിപാടികള്‍ ആസൂത്രണം ചെയ്തു . ഒരു ശാസ്ത്ര അദ്ധ്യാപകന്‍ കൂടിയായ എ ഇ ഓ ശ്രീ ഹൃഷികേശ് സമഗ്രമായ ഒരു പ്രവര്‍ത്തനപദ്ധതി അവതരിപ്പിച്ചു .
ശാസ്ത്രക്ലബ്ബ്  - പ്രവര്‍ത്തന പദ്ധതി
ലക്ഷ്യങ്ങള്‍

  • ശാസ്ത്രബോധം കൂട്ടുകാരില്‍ സൃഷ്ട്ടിക്കുക
  • ശാസ്ത്രപഠന പ്രക്രിയകളെ കുറിച്ച് അവബോധം സൃഷ്ട്ടിക്കുകയും പ്രവര്‍ത്തന മാതൃകകള്‍ ആസൂത്രണം ചെയ്തു നടപ്പിലാക്കുകയും ചെയ്യുക
  • ശാസ്ത്രവുമായി ബന്ധപ്പെട്ട ദിനാഘോഷങ്ങള്‍ സംഘടിപ്പിക്കുക
  • കൂട്ടുകാരില്‍ ശാസ്ത്രവുമായി ബന്ധപ്പെട്ട ഉല്പന്നങ്ങള്‍ , ശാസ്ത്രീയ വിവരങ്ങള്‍ രേഖപ്പെടുത്തല്‍ , ശാസ്ത്രവാര്ത്തകളുടെ ശേഖരണം എന്നിവയിലുള്ള പ്രാവീണ്യം വര്‍ധിപ്പിക്കുക
  • സ്കൂള്‍ / ഉപജില്ല / ജില്ല തലങ്ങളില്‍ ശാസ്ത്ര പ്രദര്‍ശനങ്ങളിലും മറ്റും കൂട്ടുകാരെ പങ്കെടുപ്പിക്കുന്നതിന് വേണ്ടി സജ്ജരാക്കുക
  • പൊതുവായ സ്കൂള്‍ തല ശാസ്ത്ര പ്രവര്‍ത്തനങ്ങള്‍ വൈവിധ്യമാര്‍ന്നവ സംഘടിപ്പിക്കുക


ശാസ്ത്ര പഠന ശേഷികള്‍

  • സൂക്ഷ്മവും കൃത്യവുമായ നിരീക്ഷണ പാടവം
  • ശാസ്ത്രാവബോധം
  • ലഭിച്ച വിവരങ്ങള്‍ ശാസ്ത്രീയമായി ( തെളിവിന്റെ അടിസ്ഥാനത്തില്‍ ) വിശകലനം ചെയ്യാനുള്ള കഴിവ്
  • നിര്‍മ്മിക്കുന്ന അറിവുകള്‍ വ്യാഖ്യാനിക്കാനുള്ള കഴിവ്
  • നിഗമനങ്ങള്‍ ശാസ്ത്രീയമായി രൂപീകരികാനുള്ള കഴിവ്
  • യുക്തിചിന്ത
  • വസ്തുനിഷ്ഠമായ അന്വേഷണം


ഒരു ശാസ്ത്ര ക്ലബ്ബ്‌ എങ്ങനെ പ്രവര്‍ത്തിക്കണം ?

  • ഓരോ ക്ലാസിലെയും ശാസ്ത്ര പഠനത്തില്‍ താല്പര്യമുള്ള കൂട്ടുകാരെ ജനാധിപധ്യ രീതിയില്‍ ക്ലബ്ബ്‌ അംഗങ്ങളായി തെരഞ്ഞെടുക്കണം 
  • കൂട്ടുകാരുടെ നേതൃത്വത്തില്‍ ആകണം ക്ലബ്ബ്‌ പ്രവര്‍ത്തിക്കേണ്ടത് . ക്ലബ്ബിനു ഒരു പ്രസിഡണ്ട്‌ , സെക്രട്ടറി എന്നിവരെ കൂട്ടുകാരില്‍ നിന്നും തെരഞ്ഞെടുക്കണം 
  • ക്ലബ്ബ്‌ യോഗങ്ങളുടെ നിയന്ത്രണം പ്രസിടെന്റിന്റെ ചുമതലയായിരിക്കും 
  • റിപ്പോര്‍ട്ട് എഴുതി സൂക്ഷിക്കുക , അവതരിപ്പിക്കുക , അംഗങ്ങള്‍ക്ക് അറിയിപ്പുകള്‍ നല്‍കല്‍ , ശാസ്ത്ര ബുള്ളറ്റിന്‍ ബോര്‍ഡുകള്‍ പ്രയോജനപ്പെടുത്തല്‍ എന്നിവ സെക്രട്ടറിയുടെ ചുമതലയായിരിക്കും 
  • ശാസ്ത്രക്ലബ്ബിന്റെ ആഭിമുഖ്യത്തില്‍ സ്കൂള്‍ / ക്ലാസ്സ്‌ തലത്തില്‍ പ്രത്യേക പ്രവര്‍ത്തനങ്ങള്‍ , ദിനാഘോഷങ്ങള്‍ എന്നിവ സംഘടിപ്പിക്കേണ്ടതാണ് 
  • ശാസ്ത്ര ക്ലബ്ബിലെ അംഗങ്ങള്‍ ഓരോരുത്തരും ക്ലബ്ബ്‌ പ്രവര്‍ത്തനങ്ങളുടെ രേഖപ്പെടുത്തലിനായി ഒരു നോട്ടു ബുക്ക്‌ ( ഡയറി ) സൂക്ഷിക്കേണ്ടതാണ് . ഇതിലെ രേഖപ്പെടുത്തലുകള്‍ , പ്രവര്‍ത്തനങ്ങള്‍ എന്നിവ ക്ലാസ്സിലെ മറ്റു കൂട്ടുകാര്‍ക്ക് പകര്‍ന്നു നല്‍കുന്ന ചുമതല ക്ലബ്ബ്‌ അംഗങ്ങളില്‍ നിക്ഷിപ്തമാണ് 
  • ക്ലാസ്സ്‌ സമയം നഷ്ട്ടപ്പെടാതെ ആഴ്ചയില്‍ ഒരു ദിവസം ഉച്ച ഭക്ഷണ ഇടവേളകളിലോ വൈകുന്നേരമോ ക്ലബ്ബ്‌ മീറ്റിങ്ങുകള്‍ കൃത്യമായി കൂടണം 
  • ക്ലബ്ബ്‌അംഗങ്ങളെ സഹായിക്കാന്‍ ക്ലബ്ബിന്റെ പ്രാധാന്യവും നടക്കുന്ന പ്രവര്‍ത്തനങ്ങളും ബന്ധപ്പെട്ട രക്ഷിതാക്കളെ രേഖാമൂലമോ നേരിട്ടോ അറിയിക്കുന്നതും നന്നായിരിക്കും 
  • ഓരോ ക്ലബ്ബ്‌ യോഗങ്ങളിലും വൈവിധ്യമാര്‍ന്ന പ്രവര്ത്തനങ്ങളായിരിക്കണം ആസൂത്രണം ചെയ്യേണ്ടത്‌  . പരീക്ഷണങ്ങള്‍ , ശാസ്ത്ര പ്രോജക്റ്റുകള്‍ , നിരീക്ഷണ പ്രവര്‍ത്തനങ്ങള്‍ , പഠന യാത്രകള്‍ , ശാസ്ത്ര സെമിനാറുകള്‍ , ശാസ്ത്ര ക്ലാസ്സുകള്‍ , ശാസ്ത്ര വാര്‍ത്തകളുടെ അവതരണം , വിശകലനം , ശാസ്ത്ര മാജിക്കുകള്‍ , ശാസ്ത്ര സംവാദങ്ങള്‍ ..... എന്നിങ്ങനെയുള്ള പ്രവര്‍ത്തനങ്ങള്‍ അനുയോജ്യമായവ ഇതിനു വേണ്ടി നടപ്പിലാക്കണം 
  • ശാസ്ത്ര പഠനത്തില്‍ പിന്നോക്കം നില്‍ക്കുന്ന കൂട്ടുകാരെ സഹായിക്കുന്നതിനുള്ള പ്രവര്‍ത്തന പരിപാടികള്‍ അധ്യാപകരുടെ സഹായത്തോടെ ആസൂത്രണം ചെയ്തു നടപ്പിലാക്കണം ( ഉദാ - പ്രയാസമുള്ള ശാസ്ത്ര ആശയങ്ങളില്‍ അറിവ് നിര്‍മ്മിക്കുന്നതിന് സഹായകമായ വര്‍ക്ക് ഷീറ്റുകള്‍ , ഉദാഹരണ സഹിതമുള്ള കുറിപ്പുകള്‍ , ചാര്‍ട്ടുകള്‍ , പരീക്ഷണങ്ങള്‍ ,സ്വയം പഠനപ്രവര്‍ത്തനങ്ങള്‍ തുടങ്ങിയവ ) 
  • കൂട്ടുകാരുടെ സൃഷ്ട്ടികള്‍ , മികവുകള്‍ , അനുഭവങ്ങള്‍ എന്നിവ കോര്‍ത്തിണക്കി പത്രങ്ങള്‍ , പോസ്റ്റര്‍ ,മാഗസിനുകള്‍ എന്നിവ തയ്യാറാക്കേണ്ടതാണ് 
  • ശാസ്ത്ര ലാബ് ഭംഗിയായി ക്ലബ്ബിന്റെ ആഭിമുഖ്യത്തില്‍ ക്രമീകരിക്കണം . ഉപകരണങ്ങളുടെ പേര് , ഉപയോഗ സാധ്യതകള്‍ , എന്നിവയെ സംബന്ധിച് സമഗ്രമായ ധാരണ കൂട്ടുകാര്‍ക്ക് നല്‍കണം . ബന്ധപ്പെട്ട പരീക്ഷനപ്രവര്ത്തനങ്ങള്‍ക്കും മറ്റും സ്വയം ആവശ്യമായ ഉപകരണങ്ങള്‍ കണ്ടെത്തി ക്രമീകരിക്കാന്‍ ഇതു അവരെ സഹായിക്കും 
  • ശാസ്ത്ര ക്ലബ്ബിന്റെ കണ്‍വീനറായ ടീച്ചര്‍ നടക്കുന്ന പ്രവര്‍ത്തനങ്ങളുടെ രേഖപ്പെടുത്തല്‍ തന്റെ ടീച്ചിംഗ് മാന്വലിന്റെ ഭാഗമാക്കണം . മുന്‍കൂട്ടി പ്രവര്‍ത്തനങ്ങള്‍ ശാസ്ത്ര അധ്യാപകരുമായി ( science subject council ) കൂടി ആലോചിച്ചശേഷം ആസൂത്രണം ചെയ്തു എസ് ആര്‍ ജി യില്‍ അവതരിപ്പിക്കേണ്ട ചുമതല കണ്‍വീനറില്‍ നിക്ഷിപ്തമാണ് 
  • ക്ലബ്ബ്‌യോഗങ്ങളുടെ മേല്‍നോട്ടം കണ്‍വീനറുടെ ചുമതലയാണ് . അജണ്ട തീരുമാനിക്കുന്നതിന് ആവശ്യമായ ഇടപെടല്‍ ഫലപ്രദമായി നടത്തണം 
  • ക്ലബ്ബ്‌യോഗങ്ങളില്‍ അഭിപ്രായങ്ങള്‍ തുറന്നു പറയാനും പ്രവര്‍ത്തനങ്ങളുടെ വിലയിരുത്തലുകള്‍ നടത്താനും കൂട്ടുകാര്‍ക്ക് അവസരമൊരുക്കണം . വിലയിരുത്തലുകള്‍ ക്രോഡീകരിച്ച് ഗുണാത്മക രീതിയില്‍ അധ്യാപികയും യോഗങ്ങളില്‍ സംസാരിക്കണം 
  • ശാസ്ത്രപദങ്ങളുടെ വ്യഖ്യാനങ്ങള്‍ക്കുള്ള അവസരങ്ങളും ക്ലബ്ബു യോഗങ്ങളില്‍ ഉണ്ടാകണം 




ബാലരാമപുരം ഉപജില്ല ശാസ്ത്ര അവാര്‍ഡുകള്‍ 


ഏറ്റവും നന്നായി പ്രവര്‍ത്തിക്കുന്ന സ്കൂള്‍ ശാസ്ത്ര ക്ലബ്ബുകള്‍ക്ക് അവാര്‍ഡുകള്‍ വിതരണം ചെയ്യാന്‍ തീരുമാനിച്ചിട്ടുണ്ട് . മത്സരിക്കാന്‍ താല്പര്യമുള്ള വിദ്യാലയങ്ങള്‍ മുന്‍കൂട്ടി എ ഇ ഓ യെ രേഖാമൂലം അറിയിക്കണം . അറിയിക്കുന്ന വിദ്യാലയങ്ങളില്‍ മുന്നറിയിപ്പില്ലാതെ എ ഇ ഓ ,ബി പി ഓ , വിഷയ വിദഗ്ധന്‍ , ഡയറ്റ്‌ അംഗം എന്നിവരുടെ ആഭിമുഖ്യത്തില്‍ സന്ദര്‍ശനം നടത്തും . സന്ദര്‍ശനം നടത്തുമ്പോള്‍ ക്ലബ്ബ്‌ പ്രവര്‍ത്തനങ്ങള്‍ , രേഖകള്‍ , ശാസ്ത്രപ്രവര്ത്തനങ്ങളിലെ മികവുകള്‍ , കൂട്ടുകാരുടെ ശാസ്ത്രവുമായി ബന്ധപ്പെട്ട സൃഷ്ട്ടികള്‍ , കൂട്ടുകാരുടെ ശാസ്ത്രപ്രവര്‍ത്തനങ്ങളെ കുറിച്ചുള്ള അവബോധം , ശാസ്ത്ര ലാബിന്റെ സജ്ജീകരണം , പ്രവര്‍ത്തനം എന്നിവ പരിശോധിക്കും 
                 മല്‍സരത്തില്‍ പങ്കെടുക്കാത്ത വിദ്യാലയങ്ങളിലും ഇത്തരം വിലയിരുത്തലുകള്‍ നടത്തുന്നതാണ് . സ്കൂള്‍ മോനിട്ടരിങ്ങിന്റെ ഭാഗമായി ഏവ സംഘടിപ്പിക്കുകയും ഓരോ വിദ്യാലയത്തിന്റെയും ശാസ്ത്ര പ്രവര്‍ത്തന നിലവാരത്തെ കുറിച്ച് റിപ്പോര്‍ട്ട് അവതരിപ്പിക്കുന്നതുമാണ് .
                 പാറശാല സബ്ജില്ലയിലെ കുന്നത്തുകാല്‍ യു പി സ്കൂളില്‍ പ്രവര്‍ത്തിക്കുന്ന കൂട്ടുകാര്‍ക്ക് വേണ്ടിയുള്ള ശാസ്ത്ര പരീക്ഷണ ശാല സന്ദര്‍ശിക്കാന്‍ സ്പോന്സര്മാരുടെ യോഗം തീരുമാനമെടുത്തു . 

ബുധനാഴ്‌ച, ജൂൺ 27, 2012

പുസ്തക പരിചയം

നെയ്യാറ്റിന്‍കരയുടെ സാംസ്ക്കാരിക ചരിത്രത്തിന് ഒരു അധ്യാപകന്‍റെ കയ്യൊപ്പ്‌ ........

                  ചരിത്രത്തിലേയ്ക്കുള്ള അന്വേഷണവും വിവരശേഖരണവും അറിവുനിര്‍മ്മാണത്തിന്‍റെ സജീവഘടകങ്ങളാണ്‌ . നെയ്യാറ്റിന്‍കര താലൂക്കിന്റെ ചരിത്രത്തെ കുറിച്ച് സമഗ്രമായി പഠനം നടത്തിയവര്‍ ധാരാളമായി കണ്ടെന്നു വരാം ..... ആ അറിവുകള്‍ വരും തലമുറയ്ക്ക് വേണ്ടി കരുതിവയ്ക്കാന്‍ മനസ്സ് കാണിച്ചവര്‍ ചുരുക്കം . 
                   നെയ്യാറിന്റെ തീരങ്ങളിലെ നന്മയുടെ തെളിവുകളെയും പോരാട്ട കഥകളെയും മറ്റും ചികഞ്ഞെടുത്ത് ആധികാരികതയോടെ ചേര്‍ത്ത് വച്ച് അറിവിന്‍റെ നിധികുംഭമാക്കി പുറത്തിറക്കാനുള്ള ശ്രമമാണ് അധ്യാപകനായ ശ്രീ സി വി  സുരേഷ് നടത്തുന്നത് .
                   നെയ്യാറ്റിന്‍കരയുടെ സാംസ്ക്കാരിക ചരിത്രം എന്ന് പേരിട്ട ഈ പുസ്തകം നമ്മുടെ കൂട്ടുകാര്‍ക്ക് തങ്ങളുടെ നാട്ടിന്റെ പ്രാദേശിക ചരിത്രത്തെ കുറിച്ചുള്ള അന്വേഷണത്തിന് വഴികാട്ടിയാകും ......ഓരോ വിദ്യാലയത്തിനും പ്രാദേശിക പാഠങ്ങള്‍ രൂപപ്പെടുത്തുന്നതിനും റഫറന്‍സിനും ഉപകരിക്കുന്ന ഈ ബൃഹത് ഗ്രന്ഥത്തെ കൂട്ടുകാര്‍ക്ക് വേണ്ടി പരിചയപ്പെടുത്തുന്നു .
              കൂടുതല്‍ വിവരങ്ങള്‍ക്ക് താഴെ ചേര്‍ത്തിട്ടുള്ള നമ്പരില്‍ ബന്ധപ്പെടുക 
                             9446039937 , 9495011779




തിങ്കളാഴ്‌ച, ജൂൺ 18, 2012

ജൂണ്‍ 19

വായനാദിനം   പി എന്‍ പണിക്കര്‍ ചരമദിനം


               വീണ്ടുമൊരു വായനാദിനം കൂടി .......ജീവിതത്തിലെ സംഘര്‍ഷങ്ങളെ  കരുത്തോടെ നേരിടാനും യാഥാര്‍ത്ഥ്യബോധമുള്ള ജീവിതവീക്ഷണം രൂപപ്പെടുത്താനും വായന നമ്മെ പ്രാപ്തനാക്കും . അറിവ് നിര്‍മ്മിക്കാന്‍ സഹായിക്കുന്ന സന്തോഷകരമായ ഒരു കല കൂടിയായി വായനയെ സമീപിക്കണം .വായനാപ്രവര്ത്തനങ്ങളുടെ ജനാധിപത്യവല്‍ക്കരണത്തിനും പ്രചാരണത്തിനും വേണ്ടി തന്‍റെ ജീവിതം ഉഴിഞ്ഞുവച്ച പി എന്‍ പണിക്കരുടെ ജീവിതത്തെ കുറിച്ച് അറിയേണ്ടത്‌ ഇത്തരുണത്തില്‍ പ്രാധാന്യം അര്‍ഹിക്കുന്നു 


പി എന്‍ പണിക്കര്‍ ( ടൈം ലൈന്‍ )




1909 - ആലപ്പുഴ ജില്ലയിലെ നീലംപേരൂരില്‍ ഗോവിന്ദപ്പിള്ളയുടെയും ജാനകിയമ്മയുടെയും മകനായി ജനിച്ചു . മുഴുവന്‍ പേര് പുതുവായില്‍ നാരായണപ്പണിക്കര്‍ 
1926 - തന്റെ ജന്മനാട്ടില്‍ സനാതനധര്‍മ്മം വായനശാല സ്ഥാപിച്ചു . 
1945 - അമ്പലപ്പുഴ പി കെ മെമ്മോറിയല്‍ ഗ്രന്ഥശാലയില്‍ വച്ച് തിരുവിതാംകൂര്‍ ഗ്രന്ഥശാലാ സംഘ രൂപീകരണയോഗം നടത്തി 
1946 - ഗ്രന്ഥശാലകള്‍ക്ക് ഇരുന്നൂറ്റി അന്‍പതുരൂപ പ്രവര്‍ത്തന ഗ്രാന്റ് ലഭിച്ചു തുടങ്ങി 
1977 - ഗ്രന്ഥശാലാസംഘം സര്‍ക്കാര്‍ ഏറ്റെടുത്തു 
1995 - പി എന്‍ പണിക്കര്‍ അന്തരിച്ചു 
            അദ്ദേഹത്തിന്റെ ചരമ ദിനമായ ജൂണ്‍ പത്തൊന്‍പത്‌  വായനാദിനമായി ആചരിക്കുന്നു . ഗ്രന്ഥശാലാസംഘത്തിന്റെ നായകനും കാന്‍ഫെഡിന്റെ സ്ഥാപകനും ആയിരുന്ന പി എന്‍ പണിക്കരുടെ സ്വപ്നമായിരുന്നു കേരള നിയമസഭ അംഗീകരിച്ച കേരളപബ്ലിക് ലൈബ്രറീസ് ആക്റ്റ്‌ . 


വായനാവാരം പ്രവര്‍ത്തനങ്ങള്‍ 



  • പ്രത്യേക എസ് ആര്‍ ജി യോഗം , വായനാ പ്രവര്‍ത്തനങ്ങളുടെ ആസൂത്രണം 
  • വായനാദിനം - പ്രത്യേക അസംബ്ലി , വായനയുടെ പ്രാധാന്യത്തെക്കുറിച്ച് പറയാന്‍ ഒരു അതിഥി , വായനാപ്രതിഞ്ജ , പുസ്തകപരിചയം , ........
  • പുസ്തക സെമിനാര്‍ ( കൂട്ടുകാര്‍ മിക്കവാറും വായിച്ചു കഴിഞ്ഞ അവര്‍ക്ക് പ്രിയപ്പെട്ട പുസ്തകമാണ് സെമിനാറിന് വേണ്ടി തെരഞ്ഞെടുക്കേണ്ടത് . സെമിനാറില്‍ ചര്‍ച്ച ചെയ്യേണ്ട കാര്യങ്ങള്‍ മുന്‍കൂട്ടി തീരുമാനിക്കണം . പ്രബന്ധ അവതാരകനെയും മോഡറേറ്ററെയും കുട്ടികളില്‍ നിന്നും തെരഞെടുക്കണം  )
  • പുസ്തക പ്രദര്‍ശനം  - പുസ്തകങ്ങള്‍ ഇനം തിരിച്ചു കുട്ടികള്‍ക്ക് നേരിട്ട് എടുത്തു നോക്കാന്‍ പാകത്തിന് ക്രമീകരിക്കണം . ഓരോ വിഭാഗത്തെയും പരിചയപ്പെടുത്താന്‍ കൂട്ടുകാര്‍ക്ക് പ്രത്യേക ചുമതല നല്‍കണം . പുസ്തക ക്വിസ്സും സംഘടിപ്പിക്കാവുന്നതാണ് 
  • അഭിമുഖം - പ്രാദേശിക കവികള്‍ , സാഹിത്യകാരന്മാര്‍ 
  • പുസ്തകകുറിപ്പുകള്‍ , പുസ്തക ഡയറി 
  • മഹത്ഗ്രന്ഥങ്ങളുടെ പാരായണം 
  • വിശകലനാത്മക വായന ,വരികല്‍ക്കിടയിലൂടെയുള്ള വായനാ - പ്രത്യേക വായനാ പരിശീലനം 
  • സാഹിത്യ ക്വിസ്സ്
  • വായനാ സാമഗ്രികളുടെ പ്രദര്‍ശനം 
  • വായനാവാരം കുട്ടികളുടെ പത്രം  (ക്ലാസ്സ്‌ തലം )
  • വിദ്യാരംഗം പ്രവര്‍ത്തനങ്ങളുടെ ഉദ്ഘാടനം 
  • ലൈബ്രറി കൌണ്‍സില്‍ രൂപീകരണം ( ഓരോ ക്ലാസ്സില്‍ നിന്നും രണ്ടു കൂട്ടുകാര്‍ വീതം - വര്ഷം മുഴുവന്‍ നീണ്ടുനില്‍ക്കുന്ന പ്രവര്‍ത്തനങ്ങള്‍ ഓരോ ആഴ്ചയിലും കൌണ്‍സില്‍ കൂടി ആസൂത്രണം ചെയ്യണം . പുസ്തക വിതരണവും സമാഹരണവും ഇവരുടെ ചുമതല ആയിരിക്കും )
  • ക്ലസ്സ്തല വായനമൂല  ക്രമീകരണം 
  •  

വായനയെ കുറിച്ച് അറിയാന്‍ .....ഈ കുഞ്ഞു പുസ്തകം വായിക്കൂ ......
             വായന എന്തിനു വേണ്ടിയാണെന്നും വരികള്‍ക്കിടയിലൂടെ എങ്ങനെ വായിക്കാമെന്നും ഈ പുസ്തകം ലളിതമായി വരച്ചു കാട്ടുന്നു .അധ്യാപക സുഹൃത്തുക്കള്‍ നിര്‍ബന്ധമായും വായിചിരിക്കെണ്ടതും സൂക്ഷിക്കേണ്ടതും ആയ പുസ്തകമാണിത് .






ഞായറാഴ്‌ച, ജൂൺ 17, 2012

യാത്രാമൊഴി

ശ്രീ പദ്മകുമാര്‍ സാറിന് ആദരപൂര്‍വം .....

സൗമ്യനും കൃത്യതയാര്‍ന്ന സാമൂഹ്യബോധവുമുള്ള ഉദ്യോഗസ്ഥന്‍ ....
അസാമാന്യ നിരീക്ഷണപാടവവും അറിവുമുള്ള വ്യക്തി ..... കുറിക്കു കൊള്ളുന്ന ക്രിയാത്മക വിമര്‍ശനങ്ങള്‍ മറ കൂടാതെ അവതരിപ്പിക്കാന്‍ മടി കാണിക്കാത്ത ഭരണാധികാരി ....
ഫലിതത്തിന്റെ മേമ്പൊടി ചേര്‍ത്ത്‌ ജീവിതാനുഭവങ്ങളെ മോഴിമുള്ളുകളായി മാറ്റുന്ന കവി ...ഇങ്ങനെഎത്രയെത്ര വിശേഷണങ്ങള്‍ ......
ഈ വിഷേഷണങ്ങള്‍ക്കപ്പുറം മനുഷ്യസ്നേഹത്തിന്റെ തീക്ഷ്ണമായ ഇടപെടലുകളിലൂടെ ചുറ്റുമുള്ളവരെ തന്നോട്‌ അടുപ്പിച്ചു നിര്‍ത്താനും നിഷ്കാമകര്‍മ്മത്തിന്റെ പ്രതിരൂപമായി മാറാനും കഴിഞ്ഞ വ്യക്തിയാണ് ശ്രീ പദ്മകുമാര്‍ സാര്‍ ....
രണ്ടു വര്‍ഷത്തിലധികം ബാലരാമപുരം എ ഇ ഓ ഓഫീസില്‍ സീനിയര്‍ സൂപ്രണ്ടായി സേവനം അനുഷ്ട്ടിച്ച ശേഷം സ്ഥലം മാറി പോകുന്ന അദ്ദേഹത്തിന് പ്രഥമാധ്യാപകരും തന്റെ ഓഫീസിലെ സഹപ്രവര്‍ത്തകരും ബി ആര്‍ സി അംഗങ്ങളുംചേര്‍ന്ന് സമുചിതമായി യാത്രയയപ്പ് നല്‍കി . പ്രഥമാധ്യാപകരെ സേവനത്തിന്റെ പാതയില്‍ ഊര്‍ജ്വസ്വലതയോടെ നിലനിര്‍ത്താനും മുന്നോട്ടു നയിക്കാനും പഠിപ്പിക്കാനും അദ്ദേഹം കാണിച്ച അര്‍പ്പണമനോഭാവം അനുകരണീയമാണ് .
                  തന്റെ മേശപ്പുറത്ത് അന്ഗീകാരവും കാത്ത്‌ ഒരു ഫയലും ഇരിപ്പില്ല എന്ന് ഉറപ്പുവരുത്താന്‍ അദ്ദേഹത്തിന് കഴിഞ്ഞിട്ടുണ്ട് . മാത്രമല്ല ആധുനിക സങ്കേതങ്ങള്‍ ഉപയോഗിച്ച്   പ്രഥമാധ്യാപകരെ പഠിപ്പിക്കാനും അദ്ദേഹം ശ്രമിച്ചിരുന്നു . സര്‍വീസ്‌ നിയമങ്ങളെ കുറിച്ച് അവബോധം സൃഷ്ട്ടിക്കുന്നതിന് ശ്രീ പദ്മകുമാര്‍ നടത്തിയ ശ്രമത്തിനു ഉദാഹരണമായ ഒരു പ്രസന്റേഷന്‍ ഇതോടൊപ്പം ചേര്‍ത്തിട്ടുണ്ട് . വിരസമാകാതെ ഇത്തരം വിഷയങ്ങള്‍ കൈകാര്യം ചെയ്യാനുള്ള പാടവം അദ്ദേഹത്തിന് മാത്രം സ്വന്തം .
                   അദ്ദേഹത്തിന്റെ മോഴിമുള്ളുകള്‍ എന്ന ബ്ലോഗിലൂടെ ( www.padmakumarpanangode.blogspot.com ) തന്റെ കാവ്യ ജീവിതത്തിന്റെ സുവര്‍ണ്ണ നിമിഷങ്ങള്‍ അക്ഷരസമൂഹത്ത്തിനു മുമ്പില്‍ എത്തിക്കാനും സമയം കണ്ടെത്തുന്നു . 


                    സാറിന് യാത്രാമൊഴി ചൊല്ലിയ ലളിതമായ ചടങ്ങില്‍ എ ഇ ഓ ശ്രീ ഹൃഷികേശ് , ബി പി ഓ ശ്രീ സുരേഷ് ബാബു , പുതിയ സീനിയര്‍ സൂപ്രണ്ട് ശ്രീ സുബ്രഹ്മണ്യഅയ്യര്‍, അധ്യാപക പരിശീലകര്‍ , ഫോറം സെക്രടറി ശ്രീ ജയകുമാര്‍ , എ ഇ ഓ ഓഫീസ്‌ സ്റ്റാഫ്‌ ,പ്രഥമാധ്യാപകര്‍ എന്നിവര്‍ പങ്കെടുത്തു . യോഗത്തില്‍ ശ്രീ പദ്മകുമാര്‍ സാര്‍ എഴുതിയ കവിതകളുടെ അവതരണവും ഉണ്ടായിരുന്നു . 
സര്‍വീസ്‌ നിയമങ്ങളുമായി ബന്ധപ്പെട്ടു 

പ്രഥമാധ്യാപകര്‍ക്ക് നല്‍കിയ ക്ലാസ്സുകളിലെ രേഖകളില്‍ ചിലത് താഴെ ചേര്‍ക്കുന്നു 













ശനിയാഴ്‌ച, ജൂൺ 16, 2012

സിനിമാ നിര്‍മ്മാണ ശില്പശാല ആരംഭിച്ചു

കൂട്ടുകാരുടെ കൂട്ടായ്മയില്‍ ഒരു ചലച്ചിത്രം 

ബാലരാമപുരം ബി ആര്‍ സി യുടെ ആഭിമുഖ്യത്തില്‍ സിനിമയുടെ നിര്‍മ്മാണവുമായി ബന്ധപ്പെട്ടു സംഘടിപ്പിക്കുന്ന കുട്ടികള്‍ക്ക് വേണ്ടിയുള്ള പരിശീലന പരിപാടി  ആരംഭിച്ചു . വെങ്ങാനൂര്‍ ഭഗവതിനട യു പി സ്കൂളില്‍ സംഘടിപ്പിക്കുന്ന പ്രസ്തുത പരിപാടിയില്‍ ബി ആര്‍ സി യിലെ വിവിധ വിദ്യാലയങ്ങളിലെ കൂട്ടുകാര്‍ പങ്കെടുക്കുന്നു . ഈ ദ്വിദിന ശില്പശാലയില്‍ ചലച്ചിത്രം എന്ന കലാരൂപത്തിന്റെ ശാസ്ത്രവും സാങ്കേതികതയും ചരിത്രവും പ്രവര്‍ത്തനഘട്ടങ്ങളും കൂട്ടുകാര്‍ക്ക് ബോധ്യപ്പെടുന്ന തരത്തിലുള്ള വിവിധ സെഷനുകളാണ് നടന്നത് . 


ഉദ്ഘാടനച്ചടങ്ങില്‍ നിന്നും 






സിനിമാ നാടക രംഗത്തെ പ്രമുഖര്‍ വിവിധ സെഷനുകള്‍ കൈകാര്യം ചെയ്തു .
വിവിധ സെഷനുകളിലൂടെ ചര്‍ച്ച ചെയ്ത മേഖലകള്‍ 
തിരക്കഥയുടെ പ്രത്യേകതകള്‍ ( കഥയില്‍ നിന്നും തിരക്കഥയിലെയ്ക്കുള്ള മാറ്റം - ഘട്ടങ്ങള്‍ )
സിനിമയുടെ സാങ്കേതിക വശങ്ങള്‍ , പ്രത്യേകതകള്‍ 
സിനിമയുടെ ചരിത്രം 
ശബ്ദത്തിന്റെയും പ്രകാശത്തിന്റെയും സംവിധാനങ്ങള്‍ 
ക്യാമറയുടെ പ്രവര്‍ത്തനങ്ങളും ചലനങ്ങളും 
സിനിമാനിര്‍മ്മാണവുമായി ബന്ധപ്പെട്ട നിയമങ്ങള്‍ ..............
സ്കൂളിലെ കൂട്ടുകാരുടെ മികച്ച കഥകളുമായിട്ടാണ് പങ്കെടുക്കുന്ന കുട്ടികള്‍ ശില്പശാലയില്‍ എത്തിയത്‌ .മികച്ചവ കണ്ടെത്തി വ്യത്യസ്ത രംഗങ്ങളായി തിരിച്ച് ഗ്രൂപ്പായി ഡയലോഗുകള്‍ തീരുമാനിച്ച് അഭിനയിച്ച് അവതരിപ്പിച്ചു .ഇവയില്‍ കഥ നടക്കുന്ന കാലം ,സ്ഥലം , ഉണ്ടാകേണ്ട വസ്തുക്കള്‍ , ചലനങ്ങള്‍ , എന്നിവയില്‍ ആവശ്യമായ കൂട്ടിച്ചേര്‍ക്കലുകള്‍ വരുത്തി . 





                തുടര്‍ന്ന് ഇവയുടെ രേഖപ്പെടുത്തലാണ് നടന്നത് . അങ്ങനെ മനോഹരമായ തിരക്കഥ രൂപം കൊണ്ടു . തിരക്കഥാരചനയില്‍ ഏറ്റവും മെച്ചപ്പെട്ട സംഭാവന നല്‍കിയ കൂട്ടുകാരന്റെ പേരിലായിരിക്കും തിരക്കഥ പുറത്തിറങ്ങുക ......
പരിശീലനത്തിലൂടെ നേടിയ ധാരണകള്‍ 
                 നിശ്ചല ചിത്രങ്ങളുടെ ഒരു നിറയെ വളരെ പെട്ടെന്ന് മാറ്റി മാറ്റി കാണിക്കുന്നതിലൂടെ ചലിക്കുന്ന ചിത്രങ്ങള്‍ സൃഷ്ട്ടിക്കുന്ന കലാരൂപമാണ് ചലച്ചിത്രം . സിനിമ അവ നിര്‍മ്മിക്കപ്പെടുന്ന സമൂഹത്തിന്റെ കണ്ണാടിയാണ് . ഇന്ന്  സമൂഹത്തിലെ ഏറ്റവും വലിയ ജനപ്രിയ കലാരൂപവും വിനോദോപാധിയും ആയി കണക്കാക്കപ്പെടുന്ന സിനിമ ക്ലാസ്സ്‌ മുറികളില്‍ കുട്ടികളുടെ അറിവു നിര്‍മ്മാണത്തിനും പറ്റിയ ഉപകരണമാണ് . ലൂമിയേ സഹോദരന്മാരാണ് സിനിമാ നിര്‍മ്മാണത്തിനും വ്യവസായത്തിനും ആവശ്യമായ പ്രചാരണം നല്‍കിയത്‌ . 
സിനിമയുടെ ചരിത്രം - ഒരു ടൈം ലൈന്‍  
എ ഡി 1021- പിന്‍ഹോള്‍ ക്യാമറ എന്ന ആശയം തന്റെ പുസ്തകമായ ബുക്ക്‌ ഓഫ്‌ ഒഫ്ലിക്സിലൂടെ അല്‍ഹാസന്‍ മുന്നോട്ടു വച്ചു .
എ ഡി 1600 - പിന്‍ഹോള്‍ ക്യാമറ പ്രചാരത്തിലായി 
എ ഡി 1860 - ചലിക്കുന്ന ദ്വിമാന ചിത്രങ്ങള്‍ നിര്‍മ്മിച്ചു 
എ ഡി 1878 - യു എസ് എ യിലെ എഡ്വാര്‍ഡ മറ്റ്ബ്രിഡ്ജ് ഒരു കുതിരയോട്ടത്ത്തിന്റെ  ചിത്രം നിര്‍മ്മിച്ചു 
എ ഡി 1880 - മൂവി ക്യാമറകള്‍ കണ്ടു പിടിച്ചു 
എ ഡി 1903 - എഡ്വിന്‍ എസ് പോര്‍ട്ടര് സംവിധാനം ചെയ്ത ദ ഗ്രേറ്റ് ട്രെയിന്‍ റോബറി പുറത്തിറങ്ങി 
എ ഡി 1927 - ആദ്യ ശബ്ദചിത്രങ്ങള്‍ പുറത്തിറങ്ങിത്തുടങ്ങി 
എ ഡി 1935 - ആദ്യ കളര്‍ ഫീച്ചര്‍ ചിത്രം ബെക്കി ഷാര്‍പ്പ്‌ പുറത്തുവന്നു 
എ ഡി 1952 - ആദ്യത്തെ സിനിമാസ്കോപ്പ് ചിത്രം പുറത്ത് വന്നു 
                   ആദ്യ മലയാള ചിത്രമായ വിഗതകുമാരന്‍ ( നിശബ്ദ ചിത്രം ) ,ഭാരതത്തിലെ ആദ്യത്തെ സംസാരിക്കുന്ന ചിത്രമായ ആലം ആറ എന്നിവയെ കുറിച്ചും ചര്‍ച്ച ചെയ്തു . ബി ആര്‍ സി നിര്‍മ്മിച്ച സിനിമകള്‍ ,മറ്റു പ്രമുഖ ഹ്രസ്വ സിനിമകള്‍ എന്നിവയും കൂട്ടുകാര്‍ക്കുവേണ്ടി പ്രദര്‍ശിപ്പിക്കുകയും വിശകലന ചര്‍ച്ചകള്‍ നടത്തുകയും ചെയ്തു .